प्रकाशपुर । नेपाल तरुणदल बराहक्षेत्र नगर कार्य समितिले वडा नं. १० प्रकाशपुरमा आज एक कार्यक्रमका विच वडा कमिटी गठन गरेको छ । पार्टी कार्यालय प्रकाशपुर बजारमा भएको कार्यक्रममा तरुणदल सुनसरी जिल्ला उपाअध्यक्ष रोहित सुब्बाको प्रमूख आतिथ्यमा शम्भु राना मगरको सभापतित्वमा एक सय एक जनाको वडाकमिटी विस्तार गरेको हो ।
बराहक्षेत्र तरुणदल नगर अध्यक्ष पवन चाम्लिङ राईको सभापतित्वमा भएको भेलाले १० नं. वार्ड भरिका युवाहरुलाई समेटेर समिति गठन गरिएको राईले बताए । उनले भने तरुणदललाई ११ ओटै वार्डमा कमिटी विस्तार गर्ने क्रम भईरहेको छ । यसपटक नेपाली कांग्रेसले ११ ओटै वार्ड र नगर जित्नेमा आफू विश्वस्त रहेको बताएका छन् ।
विस्तारित समितिका सभापति मगरले आफूले पाएको जिम्मेवारी इमानदारीपूर्वक वहन गर्ने र स्थानीय तहको चुनावमा वडालाई जिताउन १० नंं. तरुणले अहम भूमिका खेल्ने भन्दै आफू मताहातका युवाहरुलाई आ–आफ्नो ठाउँबाट खटिन आग्रहसमेत गरेका थिए ।
तरुण युवाहरुले जस्तोसुकै अवस्थामा पनि होस नगुमाइकन आफ्नो जिम्मेवारी पूरा गर्न जिल्ला उपाध्याक्ष रोहित सुब्बाले निर्देशन दिएका थिए । सुब्बाले भने हामी कांग्रसको भातृ संगठन हौ । त्यसैले हामी तरुणहरुले विवेकपूर्ण व्यवहार गरेनौ भने भातृ संगठनको जिम्मेवारी पूरा नहुने बताए ।
तरुणदल नगर सचिब मनोज योञ्जनले सञ्चालन गरेको कार्यक्रममा महाअधिवेशन प्रतिनिधि अनु गुरुङ्, ओम कोइराला र वार्ड नं. १० सभापति तेज गुरुङ, पूर्वसभापति नवराज वस्नेत, प्रकाशपुर नेपाली कांग्रेस पाटी कार्यालय जग्गादाता नन्दलाल वञ्जरा, क्षेत्रीय प्रतिनिधि र कार्यकर्ताहरुको बाक्लो उपस्थिति रहेको थियो ।
