रामधुनी । सुनसरीको रामधुनी नगरपालिकाका मेयर तथा उपमेयरका उमेदवारहरूले नगरको विकासका लागि मिलेर काम गर्ने प्रतिवद्धता जनाएका छन् ।
आगामी वैशाख ३० गते हुने निर्वाचनमा विभिन्नदलका तर्फबाट मेयर, उपमेयरका उमेदवारहरूले जसले जिते पनि नगरको विकासका लागि एक भएर कामगर्ने बताएका हुन् ।
संवाद समुह सुनसरीले आज आयोजना गरेको संवाद कार्यक्रममा दलका उमेदवारहरूले आफुले जिते अरु दलको सहयोग लिने, अन्य दलले जिते सो दललाई सहयोग गर्ने प्रतिवद्दता जनाएका हुन् ।
रामधुनी थारु समुदायको बाहुल्य क्षेत्र भएपनि ग्रामथान तथा साँस्कृतिक भूमि अतिक्रमणमा परेको भन्दै चिन्ताव्यक्त गरेका छन् । संवादमा बोल्दै मेयर तथा उपमेयरका उमेदवारहरूले प्रत्येक टोलमाहुने ग्रामथानहरु हराउन थालेकोमा चिन्ताव्यक्त गर्दै संरक्षणमा एकजुट हुने बताएका छन् ।
जुन पाटि र जो उमेदवारले जिते पनि ग्रामथान जोगाउन कानुन नै बनाएर संरक्षण गर्ने उनीहरुले प्रतिवद्दता जनाएका छन् ।
संवादमा मेयर तथा उपमेयरका उमेदवारहरूले आफुले ५ वर्षमा गर्ने एजेण्डाहरु प्रस्तुत गरेका थिए । आफ्नाएजेण्डा राख्दै नेपाली काँग्रेसका मेयरका उम्मेद्धार सुदिप अधिकारीले रामधुनीलाई धार्मिक पर्यटकीय क्षेत्र बनाउने, ग्रामथानहरुको संरक्षण गर्दै संग्राहालय निर्माण गर्ने, तालतलैयाहरुको संरक्षण र संवद्र्धन गर्ने, २५ बेडको अस्पताल निर्माण, ३० मिनेट भित्र सेवादिने व्यवस्थामिलाउने बताए ।
नेपाली काँग्रेसबाटै उपमेयरकी उम्मेद्धार आशा कुमारी चौधरीले थारु भाषालाई कामकाजी भाषाको रुपमा विकास गर्नुपर्ने बताइन् ।
ग्रामथान अतिक्रमणबाट बचाउनपालिकाले ग्रामथानहरुलाई सूचीकरण गर्नुपर्ने तेजनारायण चौधरीले सुझाव दिए । ग्रामथान संरक्षण समितीकाअभियन्ताचौधरीले स्थानिय सरकारले आफ्नै कानुन बनाएर ग्रामथान तथा साँस्कृतिक सम्पदा जोगाउन सकिने बताए ।
नेकपा एकिकृत समाजवादीका मेयरका उम्मेद्धार सिताराम घिमिरले ५० बेडसम्मकोे नगर अस्पताल बनाउने, खानेपानी समस्या समाधान, सबै वडालाई सडक सञ्जाल र सडक स्तरोन्नतीगर्ने योजना सुनाए ।
यस्तै नेकपा एकिकृत समाजवादीकी उपमेयरकी उम्मेद्धार सिता चौधरीले ग्रामथान क्षेत्रको संरक्षण गरी पर्यटकीय क्षेत्रको रुपमाविकास गर्नुपर्ने बताइन् । महिलाहरुको सशक्तिकरण, बालमैत्रीशासन, युवालाई खेलकुदमाविशेष ध्यानदिनुपर्ने उनको भनाई थियो ।
सडकहरुको स्तरउन्नतीगर्दै सडक सञ्जालको विकास गर्नुपर्ने नेकपामाओवादी केन्द्रका मेयरका उमेदवार चन्द्र कुमार चौधरीले बताए । अस्पतालको स्तरोन्नती, शुद्ध खानेपानीको व्यवस्था, प्राविधिक शिक्षामा जोड दिने उनले बताए ।
सुशासन, भ्रष्टाचार मुक्त स्थानीयतहबनाउने राप्रपाका मेयरका उमेदवार सत्यनारायण चौधरीको भनाई छ । गरिब परिवारका छोराछोरीलाई कक्षा १२ सम्म निशुल्क शिक्षा दिईने राप्रपाकी उपमेयरकी उमेदवार सिता नेपालले बताइन् ।
सबै दलका उमेदवारहरूले प्रस्तुत गरेको एजेण्डा मध्ये करिब ६० प्रतिशतमिल्ने देखिएको थियो । साझाएजेण्डाहरुलाई मिलेर नै पुरा गर्ने उमेदवारहरूले बताए थिए । आगामी वैशाख ३० गते रामधुनीका जनताले जसलाई मतदिएर जिताएपनि साझा एजेण्डाहरु पुरा गर्ने नेपाली काँग्रेसका अधिकारीले बताए ।
संवादमा आफ्नाएजेण्डा प्रस्तुत गरेकादलका उमेदवारहरूले नगरका साझा एजेण्डाहरुलाई कार्यान्वयन गराउन एकले अर्कालाई सहयोग गर्ने बताएका थिए ।
